مرة طالبة مشاغبة المدرس اشتكاها للمدير , المدير بعت لها قال لها "عملتى إيه؟"
قالت له "ولا حاجة رميت وردة من الشباك
" قال "بس كده؟"
قالت له " آه " بعد شوية لقى طالبة مدغدغة ومكسرة سألها " إيه اللي عمل فيكي كده؟
" قالت له " أنا وردة اللي إترميت من الشباك .
________________________________________________
مرة واحد عصبى ضرسه وجعه راح للدكتور .
الدكتور قال له انت بتشكى من ايه ؟
قال له انت شايف الضرس ده !
قال له ايوه .
قال له شيل كل الضروس اللي حوليه وسيبه زى الكلب لوحده
___________________________________________________
مره واحد سرق فرخة وراح عند البحر نظفها وأكلها .
جاءه الضابط وقال له إنت سرقت الفرخة ؟
قال له لا يا باشا .
قال له الضابط والريش ده؟
قال له دي نزلت تعوم و قالت لي أخلي بالي من الهدوم
________________________________________________________
واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....
فراح لمراته فرحان بيقول لها مش الناس خلاص سموني جحش ..
قالت له وهي غضبانة.....اتنيل ما أنت بكره تكبر وتبقي حمار تاني
___________________________________________________
مره واحد حرامى دخل على واحد ومراته يسرقهم .
قال للست اسمك ايه ؟
قالت له مديحة !
قالها مش هقتلك عشان اسمك زى اسم أمي .
وقال للراجل اسمك إيه ؟
قال له فوزى وبيدلعونى وبيقولولى يا مديحة
_________________________________________________
واحد قاعد في أمان الله بيقرا الجرنان (الجريدة) ، وفجأة جت مراته وضربته بغطا الحلة فوق دماغه .. طرررررخ!!!
الزوج: "فيه إيه يا بنت الحلال؟ ليه كدا ؟؟؟
" الزوجة : "ايه الورقة اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده اسم الحصان اللى بنشجعه في السباق!"
الزوجة صدقته وراحت لحالها... بعد أسبوع، الزوج قاعد في أمان الله يقرا الجرنان ،
وفجأة جت مراته وضربته بغطا الحلة على راسه !!
الزوج: "خير يابنت الحلال في ايه تاني؟؟
" الزوجه:"حصانك على التليفون .
المحيط الملتهب
