حتى الرسول مات امر الله لابد يكون
بس الفراق صعب واحنا شعب قلبه حنون
وحشتنا نظرة عيونك للبلد ياجمال
والحزم والعزم فيها وحبها المكنون
وحشتنا عبسه جبينك وانت بتفكر
ونبرتك وانت بتعلمنا وتفسر
وبسمه الود لماتواجه الملايين
وقبضه اليد لما تدق ع المنبر
-------
وقبضه اليد لما تلاطم الجرانيت
وترفع السد عالي المجد عالي الصيت
وتادب النيل وتحكم وتحكم ميه فيضان
ماتعدي نقطه سوى بالخطه والتوقيت
--
وبقيت اقول=ميه الفيضان واحشاني
وسبتمبرازاي بدونها يكون ياخلاني
ياويلي من ده طلب وياريتني ماتمنيت
لبى الزمان منيتي من دمع اشجاني
----
وعاد لسبتمبرالفيضان دمع هتون
ينصب م القلب ويهيم في نسيم محزون
يميل نخيل الرطب على بعضه بالهمسات
حتى الرسول--مات--امر الله لابد يكون
---------
